Мүсәлман халгымызын “сәс”-и вә ЈАП-ын әсасында вәзифәјә ҝәлмиш бәзи үздәнираг “халг нүмајәндәләри” вә “һүгуг мүдафиәчиләри” азҹа мәгам вә пула саһиб чыхан кими нәинки өзләринин ким олдуғуну јаддан чыхарыр һәтта, һазырдырлар ки, мәгам вә вәзифәјә ҝөрә мүсәлман халгынын бүтүн мүгәддәс вә мәнәвијјатындан үз дөндәрәрәк бүтөв бир ҹәмијјәти ачыгҹа она верилән дөвләт трибунасындан тәһгир етсин. Мүсәлман халгын белә “депутатлардан” бири дә 1951-ҹи илдә Кәлбәҹәрдә анадан олмуш вә вәзифәјә хатир мүсәлман халгынын бүтүн мүгәддәс билдикләрини ајаглар алтында галмасына һазыр олан вә әсл вәзифәси мүсәлман халгын тапдаланмыш һүгугларыны горумаг олан һалда, дөвләтин бәзи мәнтигсиз мәмурларына гошулуб өз халгынын мәнәвијјатына гаршы мәнтигсиз гијама галхмыш, Рәбијјәт Аслановдыр. Рәбијјәт Асланова “мүсәлман халгынын етигад вә мәнви һүгугларыны боғмаг” үзрә бириниҹи јерә чыхдығына ҝөрә она фәхри бир мәгам, үч дәфә “депутатлыг” вә “Милли мәҹлисдә инсан һүгуглары комитәсинин сәдри” вәзифәси верилиб. Бәли! Нә “ҝөзәл вәзифә” нә јүсәк “мәгам”?!
Амма чох тәссүфләр олсун ки, белә бир “јүксәк мәгама” гәдәр јүксәлмиш вә 2010-ҹу илдә Балакән рајон тәрәфиндән 109-ҹу сајлы сечки мәнтәгәсиндән мүсәлман халгын “нүмајәндәси” вә бундан әлавә, милли мәҹлисдә мүсәлман халгын өлкәдә батмыш “һүгүгларыны горујан бир комитәсинин сәдри” – кими мәсулијјәтли вәзифләр Рәбијјәт Асланованы јаман чашдырыб. Буна бир нечә дәлилимиз вар;
Сон рәсми чыхышларындан бириндә о өз савадсызлығыны вә вәзифәсини јаддан чыхарараг, халгын еһтирам етдији вә мәнәви мәҹлисләриндә јалныз, онлары өз мәҹлисләриндә јухары баша чыхардыгларыны, өвладларына тој етдикдә дөвләт заксындан әввәл онлара мүраҹиәт етдији руһаниләр һаггында чох мәнтигсиз вә тәһгиредиҹи сөзләр сөјләмиш вә һәгигәтән дә, гејд олунмуш ики ән мүһүм вә мәсулијјәтли јүксәк дөвләт мәгамына там шәкилдә лајиг олмадығыны сүбута јетирмишдир. Әлбәттә, өз халгынын ән тәсирли вә халгын ҝөзүндә еһтирама лајиг, бүтүн хејир вә һүзн мәҹлисләриндән илк нөвбәдә онлара мүраҹиәт етдикләри шәхсијјәтләри тәһгир етмәјә ҹүрәт едән белә бир “депутатын” вә “һүгуг мүдафиәчисинин” гејд олунмуш вәзифләрә һеч әввәлдән ләјагәти олмадығыны мәлум олур.
Рәбијјәт Асланованын ел арасында моллалар кими амма, савадындан асылы олмајараг, Аллаһын мүгәддәс Гураныны, динини, халгын ән чәтин вахтларда илк өнҹә онларын севинҹ вә кәдәринә шәрик олуб, мүсәлманчылыг адәт вә ганунларыны јеринә јетирмәји өзләринә шәри борҹ билән руһаниләр һаггындакы фикирләри онун өзүнүн шәхсијјәтини даһа јахшы сүбут едир. О, сон заманлар өз чыхышларындан бириндә һеч бир истисна етмәдән, бүтүн руһаниләр һаггында һүгуг мүдафиәчиләринин сәдри кими белә дејир: “Азәрбајҹанда моллалар ҹәмијјәтин савадсыз тәбәгәсидир. Савадсызлыға ҝөрә моллалардан сонракы синиф вәтәндашлығы белә оламјан гарачылардыр. Бир дәфә мүсаһибәсиндә Шејх ҝилејләнмишди ки, Совет дөврүндә моллалар икинҹи сорт адамлар иди. Шејх һаглыдыр, амма бу ҝүн моллалары нә ҹәмијјәт, нә дә һакимијјәт һәтта 7-ҹи сорт инсанлар сырасына белә аид етмир.”
(һттп://www.исламтимес.орҝ/вдҹҹх1гм.2бг4п8ава2.һтмл)
Рәбијјәт Асланова өзүнү унутмагла јанашы бүтөв динини, етигадыны вә ән башлыҹасы мүсәлман халгыны унудуб ки, белә сөзләри јүксәк трибунларадан сөјләјир. Өзү дә һүгуг мүдафиәчиси кими данышыр. Рәбијјәт Асланова унудуб ки, онун дүнјадан ҝедәнләринин һамысыны истәр совет дөврүндә вә истәрсә дә индики заманда һәмин “гарачы сәвијјәли моллалар” дәфн едиб вә едир. Рәбијјәт Асланова бир шеји дә јаддан чыхарыб ки, садиг галдығы кечмиш дөвләт башчысы мәрһум Һедјәр Әлијеви дә һәмин “гарачы сәвијјәли моллалар” бакынын мәркәзиндә Ислам ганунлары әсасында торпаға тапшырдылар. Бәс сән демә, бизим кечмиш дөвләт башчымызы “гарачылар” вә һәтта, Рәбијјәтин сөзләринә әсасән, онлардан да “ашағы сәвијјәли инсанлар. 8-ҹи сорт инсанлар” дәфн едибләр. Амма, буну сәккиз милјонлуг мүсәлман халг ичиндә јалныз, өзүнүн “бәсирәт ҝөзү” илә фәлсәфә елмләри доктору, профессор, 4 китабын вә 40 мәгаләнин мүәллифи, рус вә инҝилис дилләрини билән, 1978-ҹи илдән Азәрбајҹан Дөвләт Университетиндә ассистент, баш мүәллим, досент вәзифәләриндә чалышмыш, 2004-ҹү илдән Бакы Дөвләт Университетинин фәлсәфә тарихи вә мәдәнијјәтшүнаслыг кафедрасынын профессору олмуш вә 2010-ҹи ил нојабрын 7-дә 109 сајлы Балакән сечки даирәсиндән депутат сечилмиш, Милли Мәҹлисин Инсан һүгуглары Комитәсинин сәдри, АТӘТ-ин Парламент Ассамблејасында вә МДБ Парламентләрарасы Ассамблејасында Азәрбајҹан нүмајәндә һејәтләринин үзвү Рәбијјәт Асланова ҝөрмүшдүр. Бәһ-бәһ, нә дејәсән белә вәзифәјә, елмә вә ағыла!?
Амма Рәбијјәт Аслановаја бир нечә сөз: 1. Әввәла, молла сөзү әрәб сөзүндән олуб чох савадлы, јүксәк елм вә әхлага малик олан инсанла дејилир; (Низами, Физули, Молла Пәнаһ Вагиф, Молла Вәли Видадаи вә саир алимләримиз бу ады өзләринә ләгәб кими ҝөтүрүб) 2. Бизим мәгсәдимиз өлкәмиздә бәзи савадсыз моллалары мүдафә етмәк дејил амма, буну гејд етмәк лазымдыр ки, инсана дәјәр верән онун елми јох, инсанијјәти вә әгидәсидир. Елм, әҝәр инсана јахшы јолда, һагга јетишмәјә вә камал јолунуда истифадә олунса инсанын зијнәтидир, јохса, зилләти олар; 3. Бизим бу ҝүнкү бәзи мөһтәрәм моллалары савадсыз едән зәманәмизин атесит режими олуб вә әҝәр сиз савадлы молла арзулајырсынызса нәјә ҝөрә милли мәҹлисдә хариҹдә јүксәк али тәһсил алмыш, дини савады олан моллалары вә дин хадимләринин өлкдә һәтта, ҹәмијјәт ичиндә белә данышмаларына гадаға гојмусунуз?!
Доғундан да Аллаһ-таала Гуранда чох ҝөзәл бујурмушдур:
“Биз ҹинләрдән вә инсанлардан бир чохуну Ҹәһәннәм үчүн јаратдыг. Онларын гәлбләри вардыр, лакин онунла (Аллаһын бирлијини сүбут едән дәлилләри, өзләринин дини борҹ вә вәзифәләрини) анламазлар. Онларын ҝөзләри вардыр, лакин онунла (Аллаһын мөҹүзәләрини) ҝөрмәзләр. Онларын гулаглары вардыр, лакин онунла (өјүд-нәсиһәт) ешитмәзләр. Онлар һејван кимидирләр, бәлкә дә, (ондан) даһа чох зәлаләтдәдирләр. Гафил оланлар да мәһз онлардыр!” (Әраф сурәси 179)
Һаҹы Фаиг Вәлизадә
Әл-Мустафа (с) адына бејнәлхалг Ислам
универистетинин докторанты