به گزارش خبرگزاری اهل‌بیت(ع) ـ ابنا ـ «امامعلی رحمان» رئیس جمهور تاجیکستان در نشست آنلاین با اعضای پیمان امنیت جمعی، از افزایش تهدیدها در امتداد مرز تاجیکستان با افغانستان ابراز نگرانی کرد.
به گفته رحمان، بر اساس اطلاعات سازمان‌های امنیتی تاجیکستان، بیش از شش هزار تروریست در امتداد مرز افغانستان با آسیای میانه مستقر شده‌اند و اوضاع در کنار این مرز هر روز پیچیده‌تر می‌شود.
خبرگزاری تاس روسیه به نقل از رئیس‌جمهوری تاجیکستان نوشت: به طور کلی و بر اساس اطلاعات تاجیکستان، بیش از ۴۰ اردوگاه و مرکز آموزش تروریست‌ها در استان‌های شمال‌شرقی افغانستان وجود دارند که بیش از شش هزار شبه‌نظامی در خود جای داده‌اند.
رئیس جمهور تاجیکستان درباره بدتر شدن اوضاع در مرز آن کشور با افغانستان هشدار داد و افزود که درگیری‌های داخلی طالبان هم هرازگاهی در امتداد مرز اتفاق می‌افتد و هفته گذشته در نتیجه درگیری در امتداد مرز افغانستان با تاجیکستان، بیش از ۱۱ عضو گروه طالبان کشته و ۱۸ تن دیگر زخمی شده‌اند.
امامعلی رحمان با ابراز این نگرانی‌ها افزود: به همین دلیل است که ما باید یک کمربند امنیتی در اطراف افغانستان ایجاد کنیم.
محمد نعیم، از سخنگویان گروه طالبان، در واکنش به سخنان امامعلی رحمان، در رشته توییتی تجمع تروریست‌ها در مرزهای شمالی افغانستان را رد کرد و نوشت که طالبان روابط خوب با کشورهای همسایه را خواستار است و در مرزهای افغانستان، هیچ فعالیت تخریبی جریان ندارد.
از میان پنج جمهوری آسیای میانه، تاجیکستان تنها دولتی است که با طالبان هیچ رابطه‌ای برقرار نکرده است. رئیس‌جمهور تاجیکستان در نزدیک به پنج ماهی که از سلطه طالبان بر افغانستان می‌گذرد، بارها از دولت انحصاری و تک‌قومی طالبان انتقاد و از نفوذ تروریست‌ها از افغانستان به آسیای میانه ابراز نگرانی کرده است.
………………….
پایان پیام/ ۲۱۸