به گزارش خبرگزاری بین‌المللی اهل‌بیت(ع) ـ ابنا ـ شهباز شریف نخست وزیر پاکستان در نشست مجمع
عمومی سازمان ملل از حکومت سرپرست افغانستان خواست که در برابر گروه‌های هراس‌افکن
اقدام جدی کند.
شهباز شریف ادعا کرد که برخی گروه‌ها در خاک افغانستان حضور دارند و از قلمرو افغانستان حمله‌هایی بر کشورهای همسایه انجام می‌دهند.
نخست وزیر پاکستان همچنین از حکومت سرپرست افغانستان خواست که به حقوق بشر از جمله حقوق زنان و دختران احترام بگذارد.
حمدالله فطرت معاون سخنگوی حکومت سرپرست افغانستان در واکنش به سخنان نخست‌وزیر پاکستان گفته که حکومت از سیاست مثبت همسایه‌ها پشتیبانی می‌کند و اجازه فعالیت گروه‌های خارجی را در افغانستان نمی‌دهد.
پیش از این نیز حکومت طالبان همواره ادعاهای مقام‌های پاکستانی درباره حضور گروه‌های تروریستی در خاک افغانستان را بی اساس خوانده است.
.............................
پایان پیام/