Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынын Президент Администрасијасы иҹтимаи-сијаси шөбәсинин мүдири Әли Һәсәнов МДБ Иҹраијјә Комитәсинин иҹрачы катиби Серҝеј Лебедевин ачыгламасына мүнасибәт билдирәркән дејиб: Һесаб едирик ки, сон заманлар мүхтәлиф форматларда кечирилән ҝөрүшләр, о ҹүмләдән Русија президентинин дә иштирак етдији Һәштәрхан ҝөрүшү сонракы просесләр үчүн мүәјјән үмидләр вермәкдәдир. Әкс тәгдирдә, Азәрбајҹан президенти дә бәјан едиб ки, бу ҝөрүшләрин еффектив нәтиҹә вермәк игтидарында олмадығыны һисс етсә, бу ҝөрүшләри дајандыраҹаг”.
Шөбә мүдири вурғулајыб: “Үмид едирик ки, ҝәләҹәкдә бу истигамәтдә мөвгеләрин јахынлашдырылмасы просеси давам едәҹәк. Ермәниләр, нәһајәт, конструктив мөвгејә ҝәләҹәк, Дағлыг Гарабағ проблеми бејнәлхалг һүгуг нормалары вә гаршылыглы ҝүзәштләр әсасында һәлл олунаҹаг”.
Гејд едәк ки, С. Лебедев Русија Президентинин васитәчилији илә Азәрбајҹан вә Ермәнистан президентләринин Һәштәрханда кечирилмиш ҝөрүшүндә һәрби әсирләрин вә һәлак оланларын мејитләринин мүбадиләси илә бағлы разылыг әлдә едилмәсинин практики олараг мөвгеләрин јахынлашдырылмасында илк аддым олдуғуну дејиб: “Бунлар кичик аддымлардыр, лакин биз онларын ардынҹа диҝәр ишләрин ҝөрүлмәси үчүн әлимиздән ҝәләни едирик. Инди ишғал олунмуш әразиләрин гајтарылмасы, Азәрбајҹанла Нахчыван вә Дағлыг Гарабағла Ермәнистан арасында дәһлизин јарадылмасы мәсәләләрини мүзакирә едирик”.
Диггәт: Хәбәрдән истифадә етдикдә мәнбәјә истинад лазымдыр