Əhli Beyt -ABNA- xəbər agentliyinin verdiyi xəbərə əsasən: Dünya Azərbaycanlı Gənclərinin 1-ci Konqresində iştirak edən Azərbaycanın Avropa Şurası yanında daimi nümayəndəliyinin rəhbəri, səfir Arif Məmmədov açıqlamasında bildirib: “Gənclər bütün cəmiyyətlərdə olduğu kimi Azərbaycanda da aparıcı qüvvədir”.
“Azərbaycan dövləti gənclərlə işə xüsusi önəm verir” deyən səfir konqresdə Prezident Administrasiyasının ictimai-siyasi şöbəsinin müdiri Əli Həsənovun çıxışını xatırladaraq, deyib ki, Azərbaycan hökuməti üçün Dağlıq Qarabağ münaqişəsinin həlli nə qədər önəmlidirsə, gənclərlə iş də həmin səviyyədə önəmlidir.
Gənclərin cəmiyyətdə fəaliyyətini gücləndirmək, bütün proseslərə cəlb etməyin vacib olduğunu söyləyən diplomat, onların bir neçə xarici dil bilməyinin zərurətini də vurğulayıb: “Dövlət qurumlarında peşəkar, təcrübəli şəxslər var, amma Avropada təhsil almış, 2-3 xarici dil bilən insanların sayı hələlik azdır. Yüksək səviyyədə ingilis, fransız dillərində danışan gənclərin dövlət işinə cəlb olunması vacibdir. Əlbəttə ki, yalnız dil bilmək kifayət deyil, onların professional hazırlığı, dövlətçilik məsələləri aid keyfiyyətləri də olmalıdır”.
Qeyd edək ki, Azərbaycan dövləti özünün humanist və demokratik dövlət olduğunu iddia edir. Humanist və demokratik dövlətçilik nə deməkdir? – Humanist və demokratik dövlətçilik necə deyərlər Azərbaycanın Avropa Şurası yanında daimi nümayəndəliyinin rəhbərinin dediyi kimi desək: Yəni “Gənclər bütün cəmiyyətlərdə olduğu kimi Azərbaycanda da aparıcı qüvvədir” deməkdir.
Burada bir fikir yaranır. Görəsən Azərbaycanda humanizim və demokratiyadan faydalana biləcək vətəndaşlarmı deyək yoxsa insanlarmı deyək bəlkə məxluq nə bilim özləri demişgən AZƏRBAYCANLI, məgər təkcə avropanın təhsil ocaqlarında (elm) öyrənənlərdir?! Yaxud heç bir dini etiqadı olmayan ateist fikirlilərdir?! Bəlkə heçbir milli və mənəvi dəyərləri qəbul etməyən və yeri gəldikdə bütün bunların hammısını sual altına salan və mənəvi dəyərləri məhv edən şəxsiyyətsizlərdir?!
Azərbaycan dövləti hansı humanist və demokratik prinsiblərə uyğun olaraq DİNDAR vəntəndaşları DƏLİLƏRLƏ bir səviyyəə tutaraq deputatlığa və prezidentliyə namizədliyini verməkdən çəkindirir?! Əgər psixoloji baxımdan dindarlarda problem varsa bəs niyə dindarları seçkilərdə səs vermə hüququna malik hesab edir?! Hansı haqla ənənəvi dinimizi dərindən öyrənmək üçün xaricdə təhsil alan TƏLƏBƏLƏRİ vətənə geri qayıtdıqda təbliğ etməyi onlara qadağa qoyur?! Xaricdə dini təhsil alan tələbələrə təbliğ qadağası qoyulması əgər CASUSLUQ İTTHAMIDIRSA, bu ittiham İzraildə, ABŞ-da və Avropada qeyri dini təhsil alanlarada aiddir. Hətta bu ittiham onlarda dahada güclüdür. Çünki onlar ERMƏNİSTANI daim dəstəkliyən, Azərbaycana iqtisadi embarqo qoyan ermənilərə isə humanitar yardımlar edən XRİSTİAN və YƏHUDİ ölkələrində təhsil alırlar!
Diqqət: Xəbərdən istifadə etdikdə mənbəyə istinad lazımdır