Әһли Бејт -АБНА- хәбәр аҝентлијинин вердији хәбәрә әсасән: Бу мөвзу илә әлагәдар Ислам-Азери.аз Интернет гәзети өлкәнин танынмыш руһаниси Һаҹы Абҝүл Сулејмановдан мүнасибәт өјрәниб.
Һаҹы Абҝүл
илк өнҹә сон һәбсләри писләјәрәк дејиб: "Әввәлҹә зиндана дин гејрәтинә ҝөрә
һәбсә дүшән гардашларымыза саламымы чатдырырам. Бәли, бу јол Аллаһ јолудур. Бу јол
Пејғәмбәрләр јолудур. Бу јол Имамәт јолудур. Сон гајыдыш Аллаһадыр. Биз Аллаһ јолунда
һәм шәһид олмаға, һәм дә өмүрлүк зинданда галмаға һазырыг. Биз башы низәдә сараја
ҝедән Имам Һусејнин (ә) балаларыјыг, биз зинданда шәһид олан Имам Мусеји Казимин
(ә) балаларыјыг.
Бизим халгымыз
Аллаһа бағлыдыр. Бизим халг руһаниләрә атылан бөһтанлардан хәбәрдардыр. Халгымыз
кор дејил, бәсирәтлидир. Халгы зүлмә чәкән Исраил вә АБШ сијасәтидир. Биз онларын
мәкрләриндән хәбәрдарыг. Һиҹаб мәсәләси јени бир мәсәлә дејил. Әввәл шаһын дөврүндә
Иранда, сонра Түркијәдә, Инди исә Азәрбајҹанда. Түркијә вә Иранда бу баш тутмајыб.
Азәрбајҹанда да Аллаһын көмәклији илә баш тутмајаҹаг. Һиҹаб гадағасы арадан галдырылаҹаг,
Азәрбајҹан халгы галиб ҝәләҹәк".
Һаҹы Абҝүл
Сулејманов Гарабағ мәсәләсинин тәһлүкәдә олдуғуну хатырладараг дејиб: "Бәзиләри
бәлкә дә, дүнјаларына ҝөрә мүһарибәдән горхур. Хүсусилә мәмурлар. Лакин биз ахирәтимизә
ҝөрә горхуруг. Чүнки Вәтәни севмәк имандандыр. Биз Гијамәтдә Вәтәнлә бағлы сорғу-суала
нә ҹаваб верәрик? Һиҹаб, мәсҹид мәсәләләри Гарабағы унутдурмаг үчүн ортаја атылан
бир ојундур. Биз руһаниләрин һансы сөзү игтидарын хошуна ҝәлмир? Биз дејирик ки,
әҝәр ишғалда олан торпагларымызы дөјүшлә ала билмирсинизсә, биз Гарабағы алмаг үчүн
һазырыг. Биз Вәтәни севирик вә әмәлимиздә буну исбат едә биләрик. Вәтәнин азадлығыны
сијаси марагларымыза ҝөрә дејил, иманымыза ҝөрә истәјирик. Мәним гардашым
Гарабағда шәһид олуб. Мән буну һеч вахт демәмишдим. Бир даһа хатырладым ки, әҝәр
һиҹаб мәсәләси һәлл едилмәсә, Гурана әмәл едәнләр сусмајаҹаглар. Зилләт биздән узагдыр".
Диггәт: Хәбәрдән истифадә етдикдә мәнбәјә истинсд лазымдыр