Һөрмәтли Илһам Әлијев! Дүнја һәјатында ән ширин не-мәтләрдән биринин вәтән олдуғуну һеч бир виҹданлы инсан инкар едә билмәз. Инсан өз вәтәнинә ҝөзә ҝөрүнмәјән телләрлә бағлыдыр вә вәтәнини тәрк етмиш һәр бир инсанын үзәриндә мүһаҹир адлы ағыр бир дамға вар. Шүбһәсиз ки, бу ҝүн республикадан кәнарда јашајанлар өз јурдларыны севмәдикләриндән өлкәни тәрк етмәјибләр. Бу мүһаҹирәтләрин чешидли сәбәбләри вар. Биз сизә үнванладығымыз мүраҹиәтин сәмими гәбул едиләҹәјинә үмид бәсләјир вә она ҝөрә дә мүһаҹир һәјаты јашамағымызын әсас сәбәбләрини ачыг шәкилдә нәзәринизә чатдырырыг. Бу ҝүн Азәрбајҹанда мөвҹуд олан мәмур өзбашыналығы, коррупсија, инһисарчылыг, гара базара верилән имтијазлар вә бизнес үзәриндә полад нәзарәт чохлары үчүн мүһаҹирәтин әсас сәбәбидир. Биз Азәрбајҹандан чох-чох узагларда, аб-һавасы јурдумузун тәбиәти илә мүгајисәјә ҝәлмәјәҹәк чәтин шәраитләрдә јашајыр вә фәалијјәт ҝөстәририк. Бу ҝүн аз мүһаҹир тапылар ки, газанҹынын әһәмијјәтли бир һиссәсини вәтәнә ҝөндәрмәмиш олсун. Өлкәдә јашајыб вәтән-вәтән дејәнләр чохдур. Амма Аллаһ да билир ки, вәтәни мүһаҹирләр гәдәр севән вә ону хошбәхт, азад ҝөрмәк истәјән јохдур. Белә бир һәссас мәгамда даһа дөзүлмәз зәрбә алырыг. Вәтәндән гара хәбәрләр ҝәлир. Өлкә хариҹиндә бизим үчүн вәтәни јада салан ән мүһүм амил Ислам, мүгәддәс динимиздир. Ешидәндә ки, вәтәндә мәсҹид учурулур, азана гадаға гојулур, өртүклә паспорт шәклинә иҹазә верилмир, мәктәбләрдә һиҹаб јасагланыр, өлкәнин таныныб сечилән дин хадимләри һәбсә алыныр, бу бизим үчүн даһа дөзүлмәз, даһа ағрылы олур. Һөрмәтли президент! Биз гејри-мүсәлман бир өлкәдә јашадығымыз һалда дини вәзифәләримизи даһа раһат јеринә јетиририк. Ән әсасы гыз өвладларымыз һеч бир проблемсиз дини өртүклә мәктәбә ҝедирләр. Бу ҝүнә гәдәр бу өртүк бизә һәгарәт јох, еһтирам ҝәтириб. Динимизә ҝөрә бизи даһа виҹданлы, даһа әдаләтли таныјыр вә гәбул едирләр. Өлкә хариҹиндә азәрбајҹанлылара һөрмәт ҝәтирән һиҹаб неҹә ола биләр ки, вәтәнимиздә тәһлүкә мәнбәји сајылсын?!Ҹәнаб президент! Инанмаг истәрдик ки, бүтүн бу хошаҝәлмәз һадисәләр дә о бириләри кими мәмур өзбашналығынын нәтиҹәсидир вә сизин шәхси мүдахиләнизлә гыса бир заманда мүсбәт һәллини тапаҹаг. Биз Азәрбајҹандан кәнарда доктор Сәмәдов, һаҹы Зүлфүгар кими дин алимләри илә фәхр едир вә бу инсанларын тезликлә азадлыға чыхаҹағына үмид бәсләјирик.
Диггәт: Хәбәрдән истифадә етдикдә мәнбәјә истинад лазымдыр