АБНА24 Хәбәр Верир, Сејјед Әббас Моусәви Ислам Ингилабынын Бөјүк Рәһбәринин рәбиуләввәлин 17-дә Гарабағын азад едилмәсинин һимајәси вә мүдафәси барәдәки мөвгеләринә ишарә илә дејиб: Бу сөзләрин бөјүк стратежи тәсири вә дәјәри олуб вә Азәрбајҹан Республикасынын халгы вә рәсмиләри тәрәфиндән бөјүк рәғбәтлә гаршыланыб. Иран Ислам Республикасынын Бакыдакы сәфири дүнән Гом Дини Елмләр Һөвзәсинин Мүдиријјәт Мәркәзинин Әмин салонунда кечирилән бејнәлхалг "17 Рәбиуләввәл Гарабағ, үстүн дискурс" конфрансында билдириб ки, Ислам Ингилабынын Бөјүк Рәһбәринин сөзләринин стратежи дәјәри Азәрбајҹан Республикасынын рәсмиләри тәрәфиндән јахшы дәрк олунду. О, сонра дејиб: Ингилаб Рәһбәринин бәјанаты буну дәрк етмәјимизә сәбәб олду ки, ишғала сөјкәнәҹәк сијаси ҹоғрафија системи даими дејилдир. Моусәви сөјләјиб: Бәзиләри бу ишғала вә ишғалчылыға адәт етмишдиләр, лакин Ингилаб Рәһбәринин ачыг мөвгеји вә бәјанаты ҝөстәрди ки, ишғала сөјкәнәҹәк сијаси ҹоғрафија, бәзиләринин онун үзәриндә сәрмајә јатырмасына рәғмән, давам едә билмәз. Иран Ислам Республикасынын Бакыдакы сәфири реҝионданкәнар империалист өлкәләрә хитабән дејиб: Диҝәр өлкәләр арасында вә халгларын арасындакы бошлуглар вә сыныглар үзәриндә сәрмајәјатырма даһа нәтиҹә вермир.
342/
